Dejcie se pozor na inkszych szoferow

Bezmałaś som my starzejącym sie społeczyństwym i żyjymy coroz dłogszy. Ale wszysko mo swoji plusy i minusy.

To, że żyjymy dłogo uważom za prawdziwy sukces medycyny, tak samo, że żyjymy bardzi aktywnie i uprawiomy szport. Dzisio 70 lot to ni ma wiek.

Ale o jednym nie mogymy zapominać, że natury nie ocyganiymy. I tak jak nieskore macierzyństwo (terozki modne), czyli piyrsze dziecko po 40-tce je w porządku, ale trocha ryzykowne. Tak po 70-tce muszymy mieć świadomość, że nasza reakcjo i ruchy już nie som taki jak za młodu.

    A czamu ło tym kludza, a skiż tego, że łoto właśnie starszy Pan zajechoł mi droga na autobanie bez migacza i niczego co miało dać mi znać, że chce skryncić. Mie została yno barierka i słup na kiery ech wtatarowoł. No coż, wypadki chodzom po ludziach.  Człowiek jedzie bezpiecznie, a inkszy nie myśli.

    Jo myśla, że dobrze by było, żeby nie yno młodzi byli bardzi kontrolowani, ale starsi też. Przede wszyskim wzrok, słuch i reakcjo.

Wiycie, mie sie nic nie stało, łonymu tyż. Ale po co te nerwy i niepotrzebny sztres?

Życza wom, żeby wos nie spotkało nic takigo na drodze, a starszym szoferom proponuja, żeby kontrolowali swoji zdrowi. Pyrsk