Odsztresowani

Nojprzod roztomili Ludkowie chciołech wom pedzieć, że tydziyń tymu, to tak było na prima aprilis z tom pogodom. Bezto nie starejcie sie, lato bydzie piykne i żodnego globalnego ochłodzynio tyż nie bydzie.

A dzisio chciołech wom sprzedać, moj sprawdzony recept na odsztresowani sie.
A czasy momy rychtyk nerwowe. Wszyscy lotajom jak kot z pacharzinom, a żywot momy jedyn. Bezto cza se znojś dobry sposob na relaks.

Jedni chodzom do psychoanalityka, a jo mom dużo łacniejszy sposob, kiery momyntalnie działo.
Na wiosna to nojlepszy se wlyź do zegrodki. Pokopać, poplyć i już. Dobrze tyż uspokajo sieczyni trowy kosiarkom (przeca kosom już tam żodyn nie wywijo). A jak tak człowiek posłucho ćwiyrkanio ptoszkow, to zarozki mu sie na duszy lepszy robi. A i spoli trocha kalorii przi ryciu zegrodki, czy deptaniu za kosiarom.

Nie wiym czy wiycie, ale słoneczko to lito witamina D, bez kierej człowieka może pokrziwić.
Jaki z tego morał? Wylaźcie na zegrodki, pokopejcie se, a i bydzie cosik z tego pożytycznego. Bo przeca jak tam jako marekwia urośnie, to yno sama korzyść.

A przi tymu ruch to zdrowi. Pyrsk!

Zegrodka - ogród

Łacniejszy - tańszy

Marekwia - marchew