Oński tydziyń my se trocha pohalatali

Oński tydziyń my se trocha pohalatali, beztoż dzisio chca napisać o tym co je pozytywne. Zresztom co nom do te psioczyli, jak i tak ni mogymy za to.

A jo dycki godom, że cudze chwolicie, a swojigo niy znocie. A godom ło tym, skiż tego, że u nos na Ślońsku coroz wiyncyj je piyknych miejsc, kaj idzie jechać i rychtyk miło pofajrować.

Choćby Rudy Raciborske, kaj Cystersi zostawiyli kupa dobrej roboty. Bo je przeca

piykny park, kaj idzie podeptać (a terozki na jesiyń, je nojlepszy, kolorowo), kościoł i siedziba Herzoga Von Ratibor (zresztom szumnie odrestaurowano).

W Rudach mogymy tyż sie przejechać kolejkom wąskotorowom, kiero rajzuje już aże do Stanicy kole Pilchowic. Do ciekawostki, to je jedyno tako kolejka w Europie o rozstawie glajzow 30 pruskich coli.

Powiym wom, że do bajtli prawdziwo uciecha, beztoż

nic yno ich tam wżonś.

Robia tyż teraz nowy program na zomku we Chudowie i powiym wom, że je żech zauroczony tym miejscym. Idzie poczuć klimat XVI czy XVII wieku. Beztoż dobrze by było, żeby na mapie waszych wycieczek boł tyż Chudow.

Na naszym terynie, dużo je takich miejsc, o kierych my już zapomnieli, a wartało by tam zajrzeć, bo zachwycajom na nowo. Pyrsk!

Halatać – narzekać

Glajzy – tory

Beztoż – dlatego