Ciyzki orzech do zgryziynio

Wiycie ło niczym innym sie tera nie słyszy, jak yno o tych uchodźcach. No ale myśla, że to je problym numer jedyn w tyj naszyj starej Europie. Wzionś ich czy niy?  To je ciyżki orzech do zgryziynio.

Bo przeca pochodzom z innej kultury, nie wiymy co ło nich myśleć. Z jednej strony to som tacy ludzie jak i my i tyż chcom żyć normalnie, a z drugij strony czamu 80% uchodźców to chopy? Mono piyrsze chcom to jakoś tu przedeptać, ale z drugij strony trza sie tymu dobrze przijżeć, żeby nie było pieroństwa.

Wiycie mie yno szteruje, czamu w państwach pobliskich jich nie chcom? Anie Arabio Saudyjsko, ani Emiraty Arabski nie chcom Syryjczykow, yno pokazujom na nos- Europa. Przeca jak sie pierom na Ukrainie, to Ukraińcy do krajów arabskich nie uciekajom, yno pomogomy im my Poloki, Niymcy, czy inksze państwa europejski.

My tyż uciekali z Polski  do Nimiec, Szwecje kaj sie lepszy żyło i trza tych ludzi zrozumieć. Yno tak se myśla, że nasi nie roz ni majom roboty, a tu jeszcze trza bydzie zrobić plac innym.

Nie chca być rasistom, ale podle mie, trza było by sie fest dobrze zastanowić, jako to wszysko ugryś, żeby i pomoc, ale se nie zaszkodzić. Zaostawiom wom to do dyskusje, a my uzaś spotkomy sie za tydziyń. Pyrsk

Czamu- dlaczego

Uzaś- znowu

Pierom – biją się