Zakupowe szaleństwo

Na poczontek to sie musza spytać kiery chop rod chodzi z babom na zakupy do Galerie Handlowej?

Jo myśla, że mało sie takich znojdzie. Kiedyś jak sie jechało na torg, to baby wartko kupowały, bo zima, mroz, a teraz? W galerii ciepło, nie wieje, muzyczka leci, a baby szalejom z zakupami.

Musza sie wom prziznać, że moja ślubno tyż mie łoto wyciągła na zakupy. Ale prziznom sie, że skoro zaś nie pojada. Piynć godzin deptanio, a w taszach praje nic. Ale wiycie jak to baby, nojprzod muszom połoglądać, pomacać, sprawdzić czy ni ma przeceny. A potym jeszcze podeptać i sprawdzić, czy kaj indzi ni ma łacniejszy. A my chopy w tym czasie depcymy jak kot kole bryje. A nasze babeczki- jeszcze tu poć, tam poleca. A w nos krew sie burzy. I zy mnom tyż tak było, a nejgorszy, że nie bardzo mogymy sie zmierzlować, yno robić dobro mina do złej gry.

Nie tak jak my chopy- wlazujymy do sklepu, pasujymy i jak wszysko ok, to kupujymy. Beztoż tak sie różniom chopy od babow. My po prostu som urządzyniami prostymi jak budowa cepa.

A moja rada na rodzinne zakupy- chopy nojlepszy to se weźcie kwaretka do kurtki, żeby sie trocha znieczulić. Pyrsk!

Kwaretka - mała buteleczka

Ślubno - żona

Skoro - znowu, wkrótce