Adeste Fideles

Wiycie, godajom, że Świat je zepsuty. A jo myśla blank inakszy. Przeca tela je ludzi dobrej woli, kierzi bez przimusu robiom coś rychtyk piyknego. Byłech łoto świadkiym czegoś takigo.

We Godowie- małej przeca miejscowości- kożdy rok dzieje się wielko rzecz- ADESTE FIDELES. Jak wom nazwa nic nie godo, to je to w tumaczyniu średniowieczny hymn świont Bożego Narodzynio.

Ale nie o tym chca kludzić. Nojważniejsze w tym wszyskim je to, że ludzie spotykajom się beinteresownie we kościele i kolyndujom. Jedni śpiywajom, inksi słuchajom. I na tym polego fenomyn tego konkursu kolyndowego- Adeste Fideles.

Do mie, musza wom pedzieć, to było prawdziwe przeżyci. Piękne doświadczyni. No i tyn cudowny śpiyw utalyntowanych ludzi.

Jak żech tam siedzioł i słuchoł, uświadomioł ech se, że wszyndzi kaj yno człowiek sie obroci (na drodze, w robocie, we kościele) som bardzo zdolni ludzie, kierzi ni majom przeca wypisane na czole- zdolny. I takie konkursy bez to som fest poczebne, żeby pokozać światu te talynty.

Musza wom pedzieć, że jo osobiście przeżoł prawdziwy „reset psychiczny”- tzn. usłyszany śpiyw, to boł miod na serce.

Dziynkuja Bogu, że som jeszcze tacy ludzie, kierym chce sie organizować taki kolyndowania. Chwała im za to, bo robiom to nie do piyndzy, ale dlo innych. Życza wom, żeby i tacy ludzie byli kole Wos. Pyrsk!

łoto – niedawno

piondze – pieniądze

fest – bardzo