Heksa

Wszyscy chyba znajom bojka o Gryjcie i Hanysie, jak przez las szli i się straciyli. W końcu doszli do chałupy cołkij ze bombonow. Zaczli jeść, a pokozała sie im tako starszo omeczka. Zaprosiyła ich do pońszodka i dała bombony, co by sie poczynstowali. Jak już zjedli, to w końcu ich wartko wziyna i zawarła w klocie. Potym ich tam trzimała i dowała jeść, co by sie trocha spaśli. Wszyscy wiedzom, że potym jakimś cudym udało sie im uciyc, a ta oszkliwo heksa wciepali do pieca, kaj sami mieli być upieczyni. O heksach dużo opowiastek krąży i nikiedy jeszcze starki straszom małe bajtle takimi heksami. Kiedyś downo tymu też wielebni taki niby heksy polyli abo topiyli, ale to najczynścij były biydne zwykłe baby. Tako heksa ponoć zawsze miała towarzysza – czornego kocura. A jak prziszoł listopad, to zbiyrały czerwone muchomory i z nich warzyły bele co. Kto to wiy, możno jeszcze dzisio też jaki heksy grasujom. Pooglondejcie się dookoła...

(ska)