Wystarczy, że są!

Pomoże uwarzyć obiodpomyje po jedzyniui jeszcze jaki maszkiety wywrożyporobi w zegródce wnuki popiastuje i do im jeść
krauzy zaprawi kołocz upiecze na niedziela za wszystkich i za wszystko porzykoposztopuje fusekle, połoce galotypo głowie pogłasko bojki połospraw i o pieśniczek nauczytytka szkloków z wertika wyciągniez  Pómbóczkiym pożegnonóż na grucza przyłożyw hacce ponosi przed rejmatykom ostrzeże poczesze jak noleżyzamówi mszo za ciotka Tila.

Płot posztrajchuje w zegródce poryje śniyg połodgarnio wonglo w kiblu naniesie drzewka pobiyli na szlincuchach nauczy
kiełzać na roraty z wnukiym pódzie koło naprawi kartofle ostruże jak mo dobry dziyń to i po głowie pogłasko lalce urwano szłapa
przyłonaczy Boże pomogej nauczy stare fotografki wyciągnie i poopowiado hasioków na chałupa narobi papynsztuba zrobi.


Dlo babci i dziadka
Żeby był mały człowiek szczynśliwy,
To mu nie styknie nie wlyźć w pokrziwy.
Nie styknie mu mieć psa, rybek, kota,
Nie styknie jak je w modnych galotach,
Nie styknie jak mu kupią komputer,
No i moplika, to znaczy skuter.
Żeby szczynśliwy był człowiek mały,
To trza mu, by go piastowały,
Rynce od babci, od dziadka rynce
I nic do szczynścio nie trza mu wiyncyj!

(Marek Szołtysek)


Dlo babci
Na Dziyń Babci do starki Cile,
przyjechały dwie wnuczki i ich familije.
Cila łokropnie sie uradowała,
bo wnuków z pół roku już nie widziała.
Do izby ich prosi,
stawio woda na kawa,
ale tak drapko bo w telewizorze
 jeszcze leci reklama.
Wszyjscy posiodali i łosprawiać napoczynajom,
ale Cila koże im być cicho,
bo film łod ni puszczajom.
Oni sie chcom z niom pogodać, przeca to som jeji wnuki i dzieci,
ale nie mogom bo Esmeralda leci.
Moga ci coś pedzieć starko?
Wnuczka sie pyto,
ale Cila patrzy w ta skrzinia
i nawet nie dycho.
Tyn odcinek drapko sie skończyć musi,
inakszy Cila sie chyba udusi.
Myśli se dziołcha, mogłaby starka
w ta skrzinia przestać kukać,
bo chca i pedzieć,
że bydzie mieć prawnuka.
Ale czy sie ucieszy z taki nowinki?
Przeca Esmeralda je w ciąży
co dwa odcinki.
Ale jak sie przed starką tukej nie asić,
powiym i wtedy jak telewizor wygasi.
Kej Cila serial już obejrzała,
to sie kapła, że woda na kawa wywrała.
Do kuchni drapko leci,
stawio świyżo woda,
przipolonego garca i trocha szkoda.
Wnuki wołajom:
Pódź starko na ciebie czekomy!
Siednij se z nami to se pogodomy.
Ale ona woło: Błagom ni tera,
patrzcie puszczajom Big Brothera.
Powiydzcie bajtlom niech nie tyrajom,
bo cały łobroz mi zasłoniajom.
Potym se obejrzała jeszcze kabaret, kryminał i wiadomości,
oroz patrzy po izbie, ni ma już gości.
Tak se pod nosym buczy:
Co jo se tym wnukom nagodom,
niech pedzom choć słowo,
że idom do dom.
Wnuki, moje wnuki durch sie
kajś uwijajom,
nawet ze starkom se nie pogodajom.
Tóż obejrza se jeszcze
roz Wielkigo Brata
i ida spać bo rano zaś leci:
Kawa czy Herbata.

(Krzysztof Zaremba)