Ślońsko inkszość

Jo se dycki tak ształnuja, czymu, my Hanysy som inksi we wszystkim od reszty Polokow. No i przede wszyskim czymu godajom na nos Hanysy?

Bezmałaś, Hanysy skiż tego, że jak Ślońsk boł podzielony na 3 sztiki, podle zaborow, toż ci z zagranicy wołali na Ślońzokow- Hansy, a potym to już sie to przemianowało na Hanysy. I tak już zostało.

A czamu my som inksi?

Przeca pochodzymy od plemion slońskich. Opolanie, Ślężanie, Gołęszyce. To od nich wszysko sie zaczło, beztoż mogymy mieć małe „różnice programowe” podle Goplan czy Pomorzan. Do tego Ślońsk tela razy zmiynioł właściciela, że żodnego do końca już to potym nie szterowało. Przeca roz my byli w państwie morawskim, roz pruskim, nazot na ziemiach polskich. A żyć trza było.

I jak nie odbijało sie to aż tak bardzo na ludziach, to kożdy se swoji robioł. Tak też utrzymała sie nasza tożsamość ślońsko. Beztoż momy godka, kust, roztomańte obrzyndy i zwyczaje.

A czamu ło tym pisza? A skuli tego, że ni ma czegoś takigo, jak 1050 lot państwa polskigo. Przeca Mieszko I nie działoł na ziymiach slońskich. A 1000 lot tymu u nos miyszkali ludzie w grodach slońskich i żodyn na pewno nie słyszoł o Mieszku I.

Beztoż nie dejcie se wiyszać nudli i robić wody z mózgu, a swoja toższamośc trza znać. Pyrsk

nudle – makaron

roztomańte – różne

Hanysy – Ślązacy