Jako z tym golonkiym, jeść czy niy?

Jo myśla, że u nos na Ślońsku nie cza za bardzo chwolić golonka, skiż tego, że łone i tak je fest rade. Ale dycki mie szteruje pytani- jeść go czy niy?

Przeca kożdy dietetyk zacznie halatać- wiela to te golonko mo kaloryji i cholesterolu.

Yno czamu nom kożom jeść, choćby kurczaki, kiere przeca z paszow aże świycom?

A jo se dycki tłumacza to tak: przeca jak golonka jodali już downi i żodyn nie ształnowoł, czy jeść czy niy, to tak se myśla, że golonko je zdrowe, ale roz za czas.

A już wom godom czamu. Przeca pod samom skorom je kolagyn, kiery nie yno szpanuje nom skora (wyglondomy wtedy piyknie i młodo), ale superowo regeneruje nom naskórek. Do tego we golonku je dużo naturalnej żelatyny, bez kierej ani rusz, bo zgrzipiom kolana. A tak po prowdzie jak mo kiery problym ze stawami, toż cza od czasu do czasu wetnyć se golono. I na pewno tyż nie wiycie, że we golonku je też dużo witaminy B.

Czy cza bardzi reklamować golonko. No chyba już niy.

Yno musicie pamiyntać, że golonko cza dycki jeść ze chrzanym (kiery reguluje trowiyni), no i kiszonom kapustom, w kierej je moc witaminy C.

Jak tak opisuja te golona, toż już wiym czymu baby na Ślońsku dycki ważyły je chopom. A mono skiż tego, że boło to nojlepsze lykarstwo na ciynżko robota na dole.

Roztomili Ludkowie, my tyż chcymy być zdrowi, a do tego flyjgować nasze ślońskie tradycje. Skiż tego jymy golonka. A jak już tak chwolymy te miynso, toż serdecznie wos zaproszom na dobre golonko w 5 zortach do siebie do szynku. Sztartujymy 1 października. I obiecuja wom, że bydzie oblizywani palcow. Pyrsk!

Zorta- rodzaj

Rade- lubiane

Szpanuje- napina

Flyjgować- pielęgnować